Va tiempu que tendría de llegar esta entrada de blogue, pero poles circunstancies que nos soceden nestos momentos, fíxose esperar poconín de la cuenta.
La selmana del 9 al 12 de marzu tuvo llugar nel CRA Castrillón Illas la conmemoración del Día de la Llingua Materna, qu'oficialmente se celebra'l 21 de febreru, pero anguaño coyónos de ponte pel antroxu.
Queremos estimar descomanadamente l'esfuerzu que realizó'l maestru de llingua asturiana, Lluís, por que pudiera llevase a cabu esta actividá en toles escueles del CRA (na escuela del Pontón, l'alcuentru diba tener llugar el pasáu 13 de marzu, el primer día de confinamientu pola emerxencia sanitaria que tamos viviendo nel nuesu país; esperamos que pueda celebrase bien llueu esa sesión). Tamién queremos estimar al alumnáu más mayor del CRA pola so implicación y participación nesta xornada.
!Les llingües son ayalgues de la humanidá y ye nuesu tener de caltener!
No hay comentarios:
Publicar un comentario